Mga paglabag sa bawat karapatan sa malayang pagpili ng relihiyon at pagsunod sa konsensiya

Mga posibleng paglabag sa bawat karapatan ng mga sumusunod:

1) karapatan sa batayang pangangailangan upang magkaroon ng maayos na pamumuhay

Isang paglabag sa karapatang pantao ang MILITARISASYON laban sa ninunong lupa ng mga Lumad sa Mindanao. Dapat itong itigil at pigilan ng mga Pilipino para isalba ang lahi, kultura, at ninunong lupa natin laban sa mga mangangamkam ng mga ari-arian gaya ng mga korporasyon at mga dayuhang gusto lamang makinabang sa yaman ng ating bansa.

2) karapatan sa malayang pagpapahayag ng opinyon at impormasyon 

Ang pagpapatigil sa mga mamamahayag na mag-cover o magbalita ng mga pangyayari saan mang lupalop ng Pilipinas mapaloob o labas ng Malacañang Palace. Ang anumang pagharang sa mga mamamahayag, kritiko man ito o kaalyado, ay isang paglabag sa karapatang pantao na Freedom of Speech and of Expression ng ating Saligang Batas.

3) karapatan sa malayang pagpili ng relihiyon at pagsunod sa konsensiya 

Dapat hiwalay ang Estado at Simbahan, ayon sa Saligang Batas. Ang pakikialam ng Simbahan at ng kahit na anong relihiyon sa progresibong batasan ay labag sa karapatang pantao ng mga mamamayan.  Ang pakikialam naman ng Estado sa paniniwala ng mga tao, pagpili ng relihiyon at pagtatag ng moral na relihiyon ay hindi dapat mangyari.

4) karapatan sa pagpili ng propesyon 

Ang libreng edukasyon ay dapat para sa lahat. Ang propesyon ay nasasanay lamang kung may edukasyon kaya't kung ang Estado ay walang pakialam at walang magandang sistema sa edukasyon ng bayan, nilalabag nito ang karapatan ng mga mamamayan sa bansa upang magkaroon at makapamili ng maayos na propesyon.

5) karapatan sa malayang paglipat sa ibang lugar upang manirahan

Ang pagpapatigil ng mga mamamayan na lumipat ng kanyang lulugaran o tirahan ay labag sa karapatang pantao na dapat ay malayang mamuhay nang mapayapa sa bayan o sa mundo. Ang isang halimbawa ng paglabag ay ang pagkitil ng buhay ng mamamayan kung gusto niya at binalak niyang makalabas ng bansa. Kasalukuyan itong nangyayari sa North Korea.

6) karapatan sa aktibong pakikilahok sa mga pampublikong gawain o proyekto.

Ang pagpapakalat ng maling impormasyon ng gobyerno at ng ibang mamayan tungkol sa pampublikong gawain/proyekto ay labag sa karapatan hindi lamang ng organisasyong may magandang adhikain kundi labag din sa karapatan ng mga mamamayang natutulungan nito. Ang mga organisasyong tulad ng ALCADEV at TRIPPS na tumutulong sa pagpapaunlad ng edukasyon ng mga kapatid nating Lumad ay target ng mga gustong mangamkam ng mga ninunong lupa. Ang pag-redtag at paninira sa kanila lalo na kung galing gobyerno ay labag sa karapatang pantao ng mga Lumad.

7) karapatan sa patas na proteksyon ng batas laban sa mga paglabag sa mga karapatang ito

Ang Extrajudicial Killings ang pinakatumpak na halimbawa ng paglabag sa karapatang ito. Lahat ng tao ay may karapatang: hindi dapat alisan ng buhay, kalayaan, or ari-arian ang sino mang tao nang hindi kaparaanan ng batas, ni pagkaitan ang sino mang tao ng pantay na pangangalaga ng batas.  Tayong lahat ay may karapatang madala sa hukuman at mahatulan nang tama at nang maayos. Kung ang Estado mismo ang babalahura sa buhay ng kanyang mamamayan nang hindi ito nasasampahan ng kaso't nahahatulan sa hukuman, ito ay napakalaking pagkakasala sa ating bayan at sa kanyang dapat pinaglilingkuran.

Mga may kaugnayan:
Saan nakabatay ang karapatan? ipaliwanag - 
Karapatan sa pribadong ari arian - 
Ano ang kahulugan ng bawat titik ng salitang "KARAPATAN" - 

Rape, Human Trafficking, Slavery,